Uncategorized

NCCF MISSION SUNDAY

NCCF Mission Sunday

IMG_0287

Norway Chin Christian Federation Mission Sunday cu NCMC ah hman a si ve. Saya Nawl Tling nih thawngtha a kan chim i a tha taktak khi a si. Zeitin Mission riantuan ning ti le Mission rian kan tuan mi a sunglawi zia fiang tein a langh ter. A ti mi cu Vawlei cung Billionaire mirum tampi hna hi Pathian nih a Mission riantuan ding in fial hna seh law kan nih caah cun zeihman tuan awk a um ti lai lo. A kan tuan khanh ding cang lai a ti. Kan mah bantuk fimnak ngei lo le santlai lo hna Pathian rianthiang tuan ding ah a kan thim mi hi zeitluk in dah mi vantha kan si. Pathian min thangthat si ko seh. Amen. Nai hrawng cu Vawlei cung hlasak thiam pawl zuamnak ram kipah an tuah cio i ka lung a ka suk ngai ve mi pakhat cu a zohtub pawl mithli tlak ter tiangin hla an sak thiam mi hi zei caah dah Pathian nih a mah thangthat nak hla sak ding ah a fel hna hna lo. Kan mah bantuk santlai lo tete hi a kan hman hna ti hin ka ruat tawn ve. Kan Pathian cu Fimnak le thiamnak te hna a zoh mi a si lo kha a lang ngaingai. Pumpak cio nih Pathian cu thangthat chinchin ko hna u sih. Pathian nih a dawt mi fa le kan si.

IMG_0283

Cun Mission Director Pu Tuan Hmung zong nih Mission NCCF nih a tuannak kong lam thil sining tha tein fianfainak a tuah. Kan dihlak te lawmnak in kan khat hna. Saya Nawl Tling nih a ti Rih mi cu kan chawva in Mission riantuan cu kanmah tuah ding bak a si i thlarau tlaih ding tu hi cu a mah Pathian nih a tha a ti ning a si te ko lai tiah a ti fawn. A chim duh mi cu Pathian nih zeizong te hi a mah thawng lawnglawng sunparnak a lang khawh ning kha a chim duh mi a si ko. Khua cu kan khan ko lai nain tlam a tlin ter tu cu kan Bawipa thimthim kha a si ko. Thlacam zong rak kan bom cio u ti sawm bu he ka bia ka dawngh ter lai. A rel tu nan dih lak Pathian nih thluachuah in pe chin ko hna seh.

Comments are closed.

Powered by: Wordpress