Khual

Rev.Dr.Ral Buai a kan tlawng

Sep 04, 2016 pumh lio mino hla remh (11)Rev.Dr.Ral Buai cu Europe lei khual a rak tlawnnak in kawlram a kir lai ah NCMC ah a rak kan pal ta. Pathian a tha NCMC nih thluachuah hal ding a mah hi kan sawm mi a si. Thawngtha a kan chimh, thluachuah a kan hal piak, cun Bawipa zanriah a kan pek. A cungah kan dihlak kan i lawm. Bawipa nih a rianthiang tuannak ah thlua chuah chin ko seh. Pumh dih a mah ca ah NCMC nih hangso mi cu hmunkhat te ah kan ei tti hna i cu dih cun Airport lei ah an thlah i kawlram lei ah cun a kan zuan tak. Zumtu taktak rak si u tiah bia a kan cah tak (Johan 8:31), a chim mi pakhat cu a taktak cu a aw a thang lo i a sawhsawh cu a aw a thang e a ti. Norway khuapi bik ah a um mi nan si caah khuapi lungthin rak ngei u a kan ti. Mikhual le Mileng nih kan zal kan bahnak le kan i ttumhnak tiang a si khawh nak hna rak i zuam u a kan ti fawn.

 

Comments are closed.

Powered by: Wordpress