Gospel

BCCF mino Gospel a kan tlawng

21.04-2017 – 23.04.2017 BCCF mino nih gospel in a kan tlawng. Minung (15) hrawng an si. An mah hi Sweden i a phan mi Chin mi cheukhat an si hna. Kanmah Norway nak cun an tlawm deuh nain kanmah hlan ah anmah nih a rak kan tlawng hmasa caah an dihlak cung ah lawmhnak chim cawk lo kan ngei. April 22. ah NCMC mino hna he Oslo khuachung ah hawikomhnak le len ttinak an ngeih hna hnu ah Biakinn ah zan pumhnak le nuamhnak zong tuah tti a si i zapi te lawm ngai le nuam ngai in caan an hmang hna. Zarhpi pumh dih in Khrihfabu le BCCF gospel team he zanriah kan i hrawm hnu ah cu ti cun an um nak khua Sweden lei ah cun an kir hna. Hmai lei zong ah a kan tlawng than te lai ti ruahchannak kan ngei Rih ko. NCMC mino pawl zong an sin gospel tlawn ding an duh ngaingai. Pathian nih a rem a ti cun hmailae ah pakhat le khat aa tlawng than kho ding kan si nak hnga Bawipa nih kan um pi ko seh. April 23. pumhnak ah NCMC chung in upa thar thim mi hna Pu Siang Tha Lian, Pi Hniang Chin Tial le Holy Zing Tin Par Pastor John Tha Cung nih thlacam piaknak le thluachuah hal piaknak a ngeih hna. Rian an i kinh mi cung ah Bawipa nih lamhruai ko hna seh.

Comments are closed.

Powered by: Wordpress