Khual

Rev.Dr.Lal Uk a kan tlawng

Rev.Dr.Lal Uk cu an nu he Europe lei an rak tlawng i 03.09.2017 zarh zong NCMC ah caan an hmang. A mah hi a tu lio CACC GS a tuan lio mi a si. USA,Canada,Australia tibantuk zong a liam cia caan ah an rak tlawn cang hna. Europe tlawn hi an rak i timh nak a sau cang nain tu kum lawng hi Pathian lamhruainak Denmark lei in an ra hmasa i cutincun Germany,Sweden le Norway zong cu a kan tlawn cio nak cu a si. An rak nak bik cu CACC nih riantuannak kau deuh in an tuan khawh nak hnga le CACC member vialte zong tlawn hna i thil sining chim le a tu lio an ttuan mi hna le bomh a hau rih mi pawl kha fiang tein a kan chimh. Kan miphun nih kan ca,kan holh,kan ram,kan nungphung hi biatak in kan mah nih kan kilven le kan dawt a hau. Kan ram nih fimnak kan herh ning tampi a chim Rih fawn. Fimnak kan ngei lawng ah kan ram a dam lai a ti. A cozah zong nih tangli tiang Lai Ca cawnnak a kan awnh cang in tha tein cawn khawh a si cang a ti, nain Lai Ca chimtu an um lo caah Lai Ca chimtu Saya/mah training kan pek hna i Sing 10,000,000/- hrawng kan dih a ti. CACC inn zong sak a si cang i phaisa na kan kuat mi le bomhnak pawl hi mah pawl le Cauk chuahnak tibantuk ah cun kan hman bik mi a si. Hmailei zong ah rak i zuam chinchin u nan ram le miphun caah nan chawva aa tel hi nan i lawm ding a si a ti. Thawngtha a kan chim mi ah ramdang nan um tik ah Pathian nan i bochan lai, Fimnak nan rak kawl lai, Nan mah le mah nan rak i daw lai i lungrual tein khua nan rak sak ah cun kan ram cu a thangcho thluamah ko lai a ti. Lai mi hi Khrihfa kan si nain aa daw lo bik mi le lung aa rual lo bik mi kan si, cucaah kan lung a fim a hau cang i kan ram caah ttang tti hna u sih. Chap ding le remh ding a um ah a hnu ah kan rak pek tthan te lai. Thawngtha a chimnak www.ncmc.co ah zoh khawh a si. (norwaychinmissionchurch facebook page zongah len khawh peng kan si fawn lawmnak tampi he NCMC Media)

Comments are closed.

Powered by: Wordpress