Nisunglawi

Father’s Day 2017

Nov 12,2017 hi Norway nih an ram zapi tein Pa le ni tiah nisunglawi hman ding in rampi caah an tuah i kan nih chin miphun Norway i khua a sa mi zong nih mah ni cu Pa le ni / Pa le upat peknak ni tiah nisunglawi ah kan hman ve. Vawlei cung huap in cun kan nih cu kan hmang ve lo a ruang cu an mah ram um mi kan si ve tik ah ram sining zohchun in kan hman ve nak a si. Kumkhat chungah Pa le upat peknak ni hna kan hman khawh zong hi Pathian Thawng lawnglawng a si. Pa le a nung Rih mi caah cun khua tampi a kan ruah ter i Pa le an biapit ning le an nun lio ah tha ten kan zoh ding hna le kan upat ding hna a si awk kha fiang tein a kan thei ter than. Kan fa le nih Pa le dawtnak kong an mitthli he an chim ah cun lung hi a kuai i mitthli a tla zuahmah ko. Pa pahat dirhmuh in san kan tlaih lonak zong tampi a kan hmuh ter i a tu bantuk nisunglawi kan hman mi nih hin thil tampi cu a thlen lai ti zumhnak kan ngei fawn. A kan dawttu kan Pathian upat nak le zumhawktlak in kan nun kan hman ding zong khi a biapi taktak ve. Pa le a thi cang mi zong cu thiamthiam. An rak dawtnak hna kha an rung thei than i an nunnak cio ah biatak in rian a ttuan lai ti zumhnak kan ngei. Sining kan vun i theih than cu lungleng ngai a si i hmailei caah lamhruaitu tha ah a kan dir ter lai ti kan zumh ko. 

Pumhnak program zate cu nubu nih caan an hman i pumh dih in Building nih rawl an chuan i hmunkhat te ah kan ei ti hna. Evan.Than Sang zong a kan telpi i a mah nih thawngtha a kan chimh fon a cungah kan i lawm taktak. Bawipa nih a ram kauhnak caah le a sungparnak caah hmang chin ko seh. Evan.Saya Than Sang hi Denmark i a um mi a si i Khrihfabu ah Pastor a ttuan lio mi a si fon. NCMC chungtel Pu Ni Uk te nih an chung thlacam piak ding in an cah i NCMC pumhnak tiang a kan telpi hi a si. Pumh dih in a umnak lei Denmark lei kal ding in a kan tlun tak colh. Hmailei ah Bawipa nih a rem a ti a si ah cun ton thannak kan serpiak than te ko seh.

Comments are closed.

Powered by: Wordpress