Khual

Khual lian pathum kan ngei

03.12.2017 zarh NCMC pumhnak ah Lai mi kan pa Pu Zo Tum Hmung le CNF kan pa Pu Ro Khawma le Kawlram in Rev.Sang Uk Cung nih a kan telpi. Pu Zo Tum Hmung hi Norway nih Kawlram politic kong biaruah ding le meeting kai ding ah Oslo a rak phannak hi a si. Caan pek in NCMC ah telpi in biacahnak te zong a kan ngeih khawh caah a cungah lawmhnak chim cawk lo kan ngei. Miphun le ram caah Bawipa nih hmang chin ko seh.

CNF kan pa Pu Ro Khawma hi kan chin miphun caah le kan ram zalennak ding caah ti in ram kip kal in CNF le CNA caah tuanvo kan ngei mi pawl chim dingah a ra i biacahnak le forhfialnak zong pumh dih hnu ah a kan ngei ve. Rev.Sang Uk Cung hi Kalaymyo Carson Baptist Khrihfabu ah Pastor a tuan lio mi a si. Ram dang a ratnak kong hi kan ram ah kutke tlamtling lo mi Ca cawnnak program le an herhbau mi zeitin dah kan bomh hna lai tiah fakpi in rian a tuan mi a si i hmailei kan ram a dam lo mi vialte nih damnak le fimnak an hmuh hnga rian hmunkhat tuanti dingin Norway ram tiang arak phaknak a si. Kan ram ah a fim ding mi tampi kan hruhter cang hna lungfim caan a cu cang riantuan ti dingah ka ra i mission rian pakhat bantuk zong a si caah chawva in siseh thlacamnak in telpi dingin a kan sawm. Kan ram zong a tha thluamah lai i kan mah nih a hram kan thok hmasa ah tlamtlinnak kan hmuh hrimhrim lai ti zumhnak an ngei. Bawipa nih an riantuannak ah umpi in lamhruai chin ko hna seh.

Comments are closed.

Powered by: Wordpress