E&M 2016

2016-2018 NCMC E&M upa caah thimmi hna

IMG_0080
  1. Pu Siang Tha Lian Mission director, Pu Mang Luai, Pu Than Ceu Mang, Pu Cung Bawi Thawng le Pu Siang Pum cu NCMC Mission riantuannak le tawlreltu dingah thim mi an si hna.

Pingring khua Ti inn sak piaknak

NCMC khrihfabu nih Mission rian a tuannak Pingring khuami hna nih bomhnak a kan hal mi Ti inn sak piak dingin Khrihfabu nih aa hmaithlak mi cu thlamtling tein May thla 2016 ah an dih cang. Bomtu dihlak Bawipa nih a let in thluachuah pe chin ko hna seh.

Innkip vah thlacamnak

A voi ( 1 ) nak 2016 chung E&M thlacam vah nak cu 16/05/16 ah Asker le Kongsberg lei Khrihfa bu innkip ah thlacamnak an ngei kho hna. E&M thlacam vah ah a kalmi hna inn ka arak awnhtu chungkhar cio cungah lunglawmnak chim cawk lo kan ngei, Nan thlacamnak le nan thinlung ruahnak lawng si loin Pathian riantuannak caah tiin chawva petu vialte nan dihlak cungah Bawipa nih thluachuah in pe chin ko hna seh. Cun a tang Rih mi an vah khawh Rih lo nak zong a rauh hlan ah vah khawh an i zuam lai ti ruahnak kan ngei E&M upa hna le riantuantu dihlak Bawipa nih a ram kauhnak ah hmang chin ko hna seh.

August 28, Zarh pumh hlan ah E&M upa hruianak in thlacamnak an ngei hna. Bawipa nih an thlacamnak le an aunak a thei piak hrim hna lai ti zumhnak kan ngei. A rauh hlan ah Mission rian an tuannak ah thlaici thar an hmuh khawh nak hna Pathian nih thluachuah pe ko hna seh.

NCMC Mission riantuannak a hmasa bik khrihfa luh mi hna.

August thla dih lai te ah kan Mission Direktor Pu Siang Tha Lian sin ah Saya Lian nih ca a rak kuat i khrihfa a luh thar mi an um cang tiah a rak ti. NCMC kan dihlak in kan lung aa lawm. Nu le pa hna nan thlacamnak Bawipa nih a kan theih piak i mah hna nu pa hi khrih zumtu thar an si tiah thawng a hun kan thanh a ti. Haleluija Bawipa min sunglawi chin ko seh. Khua nupa zong nih an bochan ngaimi hna an si. Hmailei zongah khrihfabu an karh chinchin nak lai thlacam Rih ko hna u sih.

 

Powered by: Wordpress