Uncategorized

Me and My Girls le NCMC

Kawlram chung mino lakah mithang lei ah pakhatnak a simi, kawlram chung lawng si lo in International level in hlasa kho mi Me and My Girls zong NCMC Khrihfabu, Oslo ah 14.09.2014 ah Pathian thangthat nak NCMC Khrihfabu he an ngei kho ve. Mino tete nih zeitluk in dah pahrang an ngeih i Pathian an ibochannak zoh tik ah lawmh an um kho tuk. Miphun an dawt, Sertu Pathian an dawtnak nih mipi thinlung chungah rian a tuan hringhran. Kimi, le Mawi Mawi hi an pahnih tein an kan pumhpi lawng si lo in Kimi nih solo hla funghnih a sak i, cun an pahnih in duet fungkhat an sa.

image

NCMC Saya J.Van Hai Lian, Pastor Biak Hlem le Me and My Girls

Me and My Girls hi Norway kommune vialte lak ah arum cem a si pin ah mirum le mifim an umnak hmun simi Bærum kommune nih anmah kommune lei festival puai caah sawmmi an si. Tutan hi keimah ka theihnak chungah cun Europe mi nih kawlram mi hlasak ah an sawm hna avoikhat nak a si. Minung pa 4 an si i, Karen, Kachin le Laimi pahnih( Kimi, Mawi Mawi) hna an si. Hmailei ah Pathian nih umpi hna seh tiah NCMC kan thlacam nak a si.

 

Comments are closed.

Powered by: Wordpress