Uncategorized

Mino sinin lunglawmhnak

Tuchun cu Building Committee Sunday le NCMYF Dinner a si. Pumh a nuam, hlasak a nuam, hlaremh an thiam, Solo an thiam, thawngṭha chim hmul a ngei. 2014 NCMC Biakinn saknak thawh ding cu khiahpiakmi um ti loin mah le zumhngamnak in thawh le pek siseh ti kha NCMC GM biafunnak a si. Tinhmi ah Kr.300000 (Sing thum) a si. Nihin tiang hmuhmi Kr.80000 (Thong sawm riat) lengkai deuh lawng hmuh a si rih. Biakinn ngeih khawhnak ahcun kan dihlak lungrualnak he ṭanrual hna kan hau…(Note: Building lei upa in biatawi an chimmi chung le thawngṭha chimtu chimmi chungin bultan ngai in ka hon char…)

Kum dang NCMYF Dinner nakin minung kan tlawm deuh hlah maw aw ti awkin a um pah. A ruang cu Khrihfabu chungtel chungin a chuak kho lomi minung kan i rel tikah a baumi kan um pah hna. Mino kan saduhthah ahcun tuchun bantuk NCMYF dinner le Building Committee caanhman ni ahcun Khrihfabu chungtel tling khitkhet dih usilaw ti kan duh.
Asinain, vawleicung a si caah minung kan duhning in thil a kal tawn lo i kan i ruahning in thil aum kho tawn lo.

Mino hna nih anmah le an thiam tawkin rawl thaw an kan chumpiak. Rawlchun lei ah thazaang a kan chuahpiaktu Par Ku, A Ni, Kawi Ṭhun le mino upa hlun Mawi E cungah kan i lawm. Eidin ding Sweden lei sa a kan cawkpiaktu Buskerud kan mino upa cungah kan i lawm fawn.

Khim tein mino dinner a kan eipitu le mino rianṭuannak ah thazaang a kan pe pengtu NCMC chungtel dihlak cungah NCMYF min in kan lunglawmhnak kan chim.

Thil pakhat te cah le sawm kan in duhmi hna a um. NCMYF nih sianginn kan kaitermi hna kan fanau le pahnih hna lakah Za Hlei Thang (GTI kai liomi) cu subject pathum camipuai an phit dih hnuah miṭhalo minung pali nih an sianginn zungkhan an baoh i answer paper vialte an thleh, an saam dih i ti lakah an hlawnh. Cu kongah cun an buai ko. Amah kan naupa Za Hlei Thang zong a lungre a thei ngai ko lai. Miṭhalo hna tuahsernak i thil a cangmi a si caah, dai tein caan a dih khawh i cozah lei zong nih GTI sianginn kai liomi hna caah a ṭha a rem an ti ningin thil an tuahpiak ṭhan khawh nakhnga ding zong pumpak cio nan thlakcamnak ah rak telh dingin kan in sawm hna.

Hmai thla October 26 NCMYF Sunday a si lai. A roh hlan ah caanhmangtu ding zong thawngthanhnak tuah colh kan rak i zuam lai.

Comments are closed.

Powered by: Wordpress