Uncategorized

Nu le ni

 

mother day
Tutan zarh 08.02.2015 zarhpini cu Nu le ni(mother’s day) NCMC biakinn ah hman si than cang lai. Vawleicung minung dihlak hna hi nu le nih hrimmi kan si cu elawk thalo a si. Cu caah nu le dihlak hi an sunglawi hringhran. Upar awk an tlak. An hnukthlum in an kan cawm hna hi nifatin kan nunnak ah nunnak lam hmuhsaktu dawtu tha an si hna. Ho paoh nih kan nu le kan dawtnak hna le kan upatnak hna cu kan hmur le kaa nih a chimcawk lo ti cu elawk tha lo mi thil a si.

10437446_1617089971850316_5092547046783079978_n

Cu ve bantukin NCMC nu vialte zong upat pe hna u sih. Thlacam piak hna u sih law thluachuah sertu Pathian sin in ham piak hna u sih. Sinain nu le ni lawngah nu le upat in daw kho mi si loin azungzal  in nu le pa dawt i upat hi kan Pathian zong nih a kan cawnpiak mi a si. ….. Thluachuah vialte sertu nu le cungah tlung ko seh … Amen.

 

Tanglei ah Mother’s Day athawk nak tuanbia relduhmi nih rel khawh a si…..

Mother’s Day kong

Nule hna sunhlawih chan hi hlan lio Egypt ram, Pharaoh siangpahrang chan in ai thawki, kumchiar, “The goddess Isis” puai kip ah hman asi tawn. Hlan lio Rom ram, Italy zong ah, “Phrysian goddess cybele” timi Kagna Matar ( Great Mother – Nu Sunglawi) hna puai kipah hman asi tawni, march thla ni (15) in ni (22) karlakah hman asi tawn. Europe ramah cun Easter Sunday hlan zarhpini avoi (4) nak ah hman asi tawn. Mah ni i tipil ing mi hna nih cun an tipil in nak biakinn cu an sunhlawih khuni, “Mother Church” tiah anti i, nihin nitiang< “Mother’s Church” a um thai nak zong hi asi. Cu biakin cu sui lungvar, pangpar le laksawng phunkip in an ttamhmawih theu tawn.

(2) AMERICA RAM AH AITHOKNING LE RAMKIP HMANNING
England ram in mirang pawl America ram an rak tlaakka ah hin an rian tam manhlo pin ah biaknak lei mi khirh-khiap pawl ruangah hi Mother’s Day hi an rak hmang kho lo. American Civil War (1860 – 1864) lio ralkap le fale thih loh vialte Julia Ward Howe nih a hmuh le a theih tik ah a lung ttha lo tuki, “Vawleicung pum Remdaihnak le Nu le Hlawrhnak” nak Ni ca-ah kum 1870 ri khan Kum chiar in July (4) cu hman siseh, tiah a puan. A hnu tlawmpal ah an thlen thani, June (2) ah kim 1873 ri khan North America state (18) chungin, “Nubu Hruaitu” hna nih an hman. A karlak ah pehzulh khawh lo caan nei tam hna hmanh seh, hi thawk hin Mother’s Day (Nu le hna Ni) cu ai thawk. Anna M.Jarris cu mother’s Day riantuan tawn mi hringtu a nu, Anna Reeves Jarvis a thih tik ah a nu rian cu amah nih a pehzulh. Anu Sunday School Teacher rian kum (20) a ttuannak an krifa bu Superintedent sinah kum 1908 ah khan Mother’s Day hmannak nawl ahal. A halnak cu an pawmpiaki, May 10. 1908 ah khan a voikhatnak Mother’s Day hmannak cu Andrew’s Methodist Church, Grafton khua, West Virginia ah le; Philadelphia khua biakinn ah neih asi. Biakinn khawmhnak dang (407) nih an pehzulh colh ve. Biak inn chung ttam-mawih ning tiangin hram an thawk. Anna Jarvis nih cun anu philhlo nak ah Rose parvar hi upat tlak upa hna le cawnglawmh mi hna pek nak ah a hman. Pangpar pahnih lengmang pek an si tawn.
Nihin ni ah cun parvar le parsen (asi lo ah Sendaang – pink) pek an si cang hna i, parvar cu nu le hna mual an kan liam tak philhlonak ca ah asi i, parsen (asi lo ah sendaang) cu nu le hna hlawrh le thangthat langhternak ca ah asi. Cozah lei in kum 1908 ah khan Nebraska Senator, Elmer Burkett nih, “Young Men’s Christian Association (YMCA)” nawl nak in Mother’s Day cu, “Rampum Dinh Ni – National Holiday) ah puan ahal. Na in, a sung. Asinain kum 1909 ah khan America ram state (46) le; Canada le Mexico ram tiangin hi Mother’s Day cu hman asi. Kum 1912 ah West Virginia nih Mother’s Day cu, ” Mipi Dinh Ni – Public Holiday” ah an phuani, kum 1914 ah khan America President Woodraw Wilson nih, ” Rampum Dinh Ni – National Holiday” ah a phuan ve. Cu thawk cun kum chiar May thla a zarh hnihnak Zarhpi Ni cu, “Mother’s Day” ti asi.
Vawlei cung rampum ah “Nule Ni” hman Ni hna cu America ram ah cun May zarh hnih nak zarhpini ah hman asi i, hi ni ah hin Turkey, India, Japan, Mexico, Canada, Australia, Pakistan, Saudi Arabia le ram dang dang hna zong nih hman ve cio asi. Argentina nih cun October zarhpi ni a voihnihnak ni ah an hman , France nih May 25, South Africa nih May zarhpi ni voikhatnak ah an hmani, Sweden nih May thla zarh dongh zarhpini ah an hman tawn.

(3) NUAMH-NAK TUAHNIN
Nu le sunhlawihnak ca-ah nuamh-hnaihnak tuahning phun tampi a um. Cu hna laki hman cem mi hna cu atanglei mi hi an si.
(a) Nu bik siam si lo in pa bik le fale hna nih nu bik theihlo kar teah eidin thaw khunmi an siam tawni, nubik an eidin pi tawn.
(b) Theihtlei hmunhma le khua ah pa bik timhlamhnak in chungkhar an kal tawn.
(c) Thuamthil dawr ah nu bik thil an cawk piak tawn hna.
(d) Chungkhar in lente an i celh tawn.
(e) Nu bik ca ah fale nih an thiamthil an siam piak.
(f) Hmunhma ttha le zohnuam; saram le vaa zuatnak; pangpar kip cinnak; hmunhlun zohnak, le rili kam lenkai tiangin chungkhar an chuakvak tti tawn.

(4) LAKSAWNG PEK TAWN MI HNA
Fale nih nu le laksawng an pek bik mi hna cu, pangpar tak le a lem, ti rawl, chang siam cawp, thil puan, ttamh-mawih thuhboih, ca-uk, sui lungvar thilri, caa hnah laksawng hna an si.
(5) MOTHER’S DAY BIATHUK
(a) Chungkhar pa bik nih fa le ca ah thil herh bik a tuah khawh ding mi cu a nupi dawt asi. ( Theodore Hesburgh).
(b) Nu sawnglawi hna nih cun thleidannak vaampang chawng lo in, hlei (bridge) an dawnh theu tawn. (Reed Markham).
(c) Ka nu he hin harsatnak tampi kan nei tawn. Asinain a ka dawt ruangah hin a nuamhpi thiam in ka theih. ( Mark Twain).
(d) Nu sawisel awk umlo an um lo i, mi ttha sinak ah lam rel cawk lo a um aherh fawn lo. ( Jill Churchill)

Comments are closed.

Powered by: Wordpress