Uncategorized

NCMC kum (8) tlinnak ni le mother’s day

1

Pathian dawtnak thawngin NCMC Khrihfabu cu February,2007 ah Oslo pawngkam Lai miphun hna nih dirhmi Khrihfabu  a si. Nihin ni tiang Amah Pathian lamhruainak thawngin kum(8) chung tlamtling tein kan kal hnu ah Khrihfabu Members 160 hrawng kan um hna. Fylke(division) Panga(5) in dirhmi Khrihfbau pi a si. Lamhlat piin aum mi members sihmanh sih law hmun khat tein dawtnak he nihintiang akan umpi tu Sertu Pathian kan thangthat. Arauh hlan ah Biakinn zong kan neih khawhnak ding kan thlacamnak a si.

3

Cu NCMC kum (8) tlinnak ni zong biakinn sunglawi tein kan hmang. NCMC chairman Pu Aung Lin nih NCMC thawhkehnak tuanbia chimnak a ngei.

4

 

Cu dih cun nu le ni zong a si ve bantukin Pu Mang Luai nih nu le dawtnak kong biatawi chimnak zong a ngeih chih ve. Nubu hna sinin hla dawhdawh an sakmi hrim nih milungthin a nuamhter khun.

2

Pumdih in Nu le hna Khrihfa upa dihlak he hmanthlak tinak an ngeih dih hnu ah Sunday School fale hna he lakphak ti le changreu eitinak (mama kaffe) an ngei ti hna. Cu dih cun NCMC birthday a sibantuk in Khrihfa upa hna nih rawl thaw taktak an chuanmi kan zatein zaanriah kan dum hna. Zeizong vialte hi Pathian thluachuah rumro an si dih ko hna.

Comments are closed.

Powered by: Wordpress